Eske wap fè fas a yon degèpisman? Ou petèt ka gen dwa pou gen yon avoka gratis!
Aprann kijan pou reponn a yon avètisman pou degèpisman epi konekte ap resous ki disponib.
Ann kòmanseAprann Plis:
Kisa Sa Vle Di Dwa Pou ou Gen Yon Avoka? (RTC)
Dwa Pou Gen Yon Avoka (Right to Counsel oubyen RTC) se yon lwa ki te siyen an Out 2017 nan NYC. Sa vle di lokatè ki kalifye selon lajan yo touche ka jwenn yon avoka pou defan kòz yo si yo asiyen yo nan tribinal kay pou koze degèpisman ak si yo pwale nan odyans administrativ ak NYCHA ki ta vle retire yo kòmm lokatè (NYCHA termination of tenancy hearings). Li pa enpòtan ki kalite lokatè yo ye (si yo gen “Section 8”, si yo rete nan yon kay , si yon gen (“rent stabilized” NYCHA, ak lòt ankò). Si yon lokatè pa kalifye poutèt kantite lajan li genyen, li gen dwa a yon sesyon konsiltasyon legal gratis oubyen yon seyans konsèy.
Embedded content: https://youtu.be/lrlsSrRCuyg
Ann kòmanseEske tout lokatè ka jwen yon avoka kounye a?
Chanje jan tribinal yo fonksyone se yon gwo travay. Eta New York La, tribinal yo avèk òganizasyon kap bay sèvis legal yo bezwen tan. Trinbinal yo dwe jwenn espas, yo dwe bay mounn kap travay fòmasyon epi devlope sistèm ki pou onore entegrite lokatè yo. Oganizasyon kap bay sèvis legal yo dwe anplwaye plis mounn epi antrene plis anplwaye. Li pa fasil pa rapò a kote nou ye jodya pou tout mounn ta jwen yon avoka demen. Pa konsekan, RTC divize pwojè ya pa “zip code” sou yon peryòd 5 an.
Chak ane, eta New York La te chwazi kèk “zip code” selon kantite degèpisman ki genyen nan zònn sa yo, konbyen mounn ki rantre nan “shelter” nan zònn nan ak konbyen “rent stabilized” ki nan zònn nan. Si ou abite nan “zip code” sa yo epi ou kalifye selon lajan wap touche, avoka ki reprezante lokatè yo sipoze pran kaw la- - ou gen DWA pou gen yon avoka. Avoka sa yo gratis. Sonje byen, “zip code” ki chwazi yo se yon bagay tanporè. Nan 5 an oubyen nan lane 2022, koze zip code sa pap enpòtan ankò epi tout mounn ki kalifye selon lanjan yo touche ap gen dwa a yon avoka.
“Zip Code” ki Nan Pwogram Dwa Pou Avoka (Right to Counsel /RTC):
- Bronx 10457, 10467, 10468, 10462
- Brooklyn 11216, 11221, 11225, 11226
- Manhattan 10026, 10027, 10025, 10031
- Queens 11433, 11434, 11373, 11385
- Staten Island 10302, 10303, 10314, 10310
Kijan map fè konnen si mwen kalifye pa rapò ak kòb mwen touche?
Ou gen dwa ak yon avoka si kantite kòb wap touche egal oubyen pi piti pase 200 pousan limit povrete ya. Sa vle di $24,000 si wap viv poukont ou oubyen anviwon $50,000 pou yon fanmi ki gen 4 mounn. Gen anpil lòt faktè ki rantre an konsiderasyon pou detemine si ou kalifye swivan lajan wap touche-- pale ak yon avoka pou ka konnen si ou kalifye. Menm si kantite lajan ou ta depase sa yo mande ya, ou ka toujou jwenn yon avoka nan kèk òganizasyon legal ki gen diferan kritè pou moun kalifye pou sèvis.
Ann kòmanseEske mwen ka gen yon avoka kèlke swa estati imigrasyon mwen?
WI OU KAPAB! Dwa Pou Gen Avoka (Right to Counsel /RTC) pa diskrimine mounn poutèt estati imigasyon yo. Lwa sa aplike pou tout mounn egal ego kèlke swa estati imigrasyon ak nasyonalite yon mounn.
Ann kòmanseEske ou se manb DC37?
Si ou se manb DC37, inyon wan bay asistans legal gratis. Pa gen ankenn restriksyon pou kantite lajan ou touche oubyen kote ou rete si ou se lokatè nan NYC. Rele nan (212) 815-1111 pou ka jwenn plis enfòmasyon oubyen pou ka pran apwentman.
Ann kòmanseMwen pa nan tribinal pou koze degèpisman, men mwen bezwen rele mèt kay la nan la jistis pou reparasyon, eske mwen gen dwa pou jwenn avoka?
Ou pa gen dwa pou jwenn avoka. Ou ka toujou jwenn yon avoka, men lwa sa pa kouvri lokatè lè se yo menm ki komanse yon prosè . Genyen anpil bagay ou ka fè pou mande reparasyon san ou pa bezwen ale nan tribinal oubyen menm si ou gen yon ka nan tribinal.
- Fome yon Asosyasyon lokatè
- Ekri yon lèt voye bay mèt kay la.
- Engajew ak la près
- Fè Yon grèv pou revandkite koze lwaye
- Ranpli dokiman pou mande redisksyon sou pri lwaye kay la
Gen yon pakèt bagay ou ka fè! Pa limite aksyon ou ka fè nan tribinal. Kontakte òganizasyon lokatè nan zònn ou ap viv la pou gen plis enfòmasyon! Si ou enterese rele mèt kay la nan tribinal pou koze reparasyon, pran plis enfòmasyon sou “HP Actions”:
Ann kòmanse